📢【重要通知】BIGBANG 20週年官方手燈 出貨延誤通知

📢BIGBANG 20週年官方手燈 出貨延誤

各位訂咗 BIGBANG Official Light Stick 20th Anniversary Edition（新版皇冠燈）嘅客人：

當初我哋預咗官方好大機會 delay，所以同大家講預計 10 月出貨（官方原定 9 月尾第一批）。

而家 10 月都就嚟過埋，官方仲未公布新嘅出貨日期。我哋追過官方幾次，佢哋都係叫我地等。

好多客問趕唔趕得切香港場：老實講，官方仲未 confirm 到出貨時間，我哋應承唔到大家。但係一有消息，我哋會第一時間出 story 講。

俾個參考大家：舊版皇冠燈上年官方預計 3 月出貨，最後 4 月底先出到第一批，一路陸續出到 8 月。YG 每次都比預計出貨日遲成個月，我哋會繼續跟緊。

到咗貨先即刻安排寄出 or 交收（順豐到付／面交）。

無論有冇新消息我地都會係11 月 6 日會再出 post update大家。

關於取消訂單：我哋落訂嗰陣已經全數俾咗錢俾供應商，筆錢已經喺 YG 嗰邊，所以真係退唔到🙏呢個亦都係當初寫明「下單後不接受任何理由棄單」嘅原因。

等咗咁耐唔好意思，我哋會跟到實，一有消息會再通知大家。

krpopcorner