BIGBANG 20 週年手燈|最新進度+退款安排

經過三個月同官方交涉,終於有個最新進度,想同大家 update 下。

先講出貨。YG 嗰邊啱啱話,第一批手燈會預計喺 12 月內出,成個 12 月總共出 2 萬支,分兩批,12 月頭一萬支,12 月尾一萬支。

不過要講清楚,呢 2 萬支係分俾好多間經銷商,我哋分到幾多、係咪頭一批,暫時仲未有實數,所以我唔可以同你應承邊日一定有貨。如果 12 月底都仲未有消息,我哋會再出通知講最新情況。

如果你唔想再等,由11 月 18 號至 11 月 20 號晚上 11:59 可以申請退款。IG DM 或者 WhatsApp 我哋,講低你嘅訂單編號同埋想退去邊個戶口就得,退款係全數,唔會扣手續費。

我哋會喺 11 月 20 號截止申請之後對數,退款會喺兩個星期內退返俾你。

想繼續等嘅客唔駛做任何嘢,張單會原封不動留喺度。一有貨到,我哋會即刻出 story 講,之後安排發貨。

多謝你哋一直咁信任我哋。

返回網誌